Kärcher-ի ուսումնասիրություններ՝ ինչպես են կատարում մաքրման աշխատանքներ ամբողջ աշխարհում

Գրառվել է Թողնել մեկնաբանություն

Վերցնելով մաքրող շորը կամ փոշեկուլը, մեզանից յուրաքանչյուրն ակնկալում է ձեռք բերել հստակ արդյունք՝ տան մեջ մաքրություն և հարմարավետություն: Սակայն պարզվում է, որ գործընթացն ինքնին նույնպես կարևոր է։ Այսպես՝ շատերի համար մաքրությունը հանգստացնող գործընթաց է: Օրինակ ՝ բրիտանացիների 75% -ը ասում է, որ միշտ լվանում են հատակը, երբ ունենում են էմոցիոնալ ճնշվածություն, իսկ նրանց 84% -ը ավելի հարմարավետ է զգում մաքուր տանը: Մաքրման և սթրեսի հաղթահարման միջև կապը ակնհայտ է նաև Ֆրանսիայում. Ֆրանսիացիների 59% -ը մաքրման գործընթացը բնութագրում է որպես մեդիտացիա և հանգստացնող։ Այս և շատ այլ հետաքրքիր փաստեր բացահայտվել են մաքրման սովորությունների միջազգային ուսումնասիրության ընթացքում, որոնք իրականացվել են 11 երկրներում Dynata ինստիտուտի կողմից՝ Kärcher-ի պատվերով։

Բարեխիղճ մաքրություն

Գերմանացիների երկու երրորդը մաքրում է տունը առնվազն շաբաթը մեկ անգամ, իսկ 13% -ը` նույնիսկ ամեն օր: Ուսումնասիրությունը ցույց է տվել, որ գերմանացիների միայն 9% -ն է սահմանում որևէ կոնկրետ օր շաբաթվա մեջ մաքրության համար: Միևնույն ժամանակ, տեղական հարցվածների 88% -ը մեծ կարևորություն է տալիս տան մաքրությանը: Չինաստանում հատուկ ուշադրություն է դարձվում մանրակրկիտ մաքրմանը, օրինակ` գոլորշու մաքրող միջոց օգտագործելը. Հարցվածների 94% -ը ինտենսիվ մաքրումը համարում է կարևոր կամ շատ կարևոր, այդ թվում նման կարծիքի են 25-ից 34 տարեկան հարցվածների 99% -ը։ Տնային տարածքի ո՞ր հատվածներն է պետք մաքրել առավել մանրակրկիտ: Ըստ հարցվածների խոհանոցը՝ 41%, լոգարանը և ննջասենյակը՝ 25%:

Որքան ժամանակ են կորցնում մաքրության վրա ամբողջ աշխարհում

Ամենուրեք տան մաքրումը տևում է նույնքան, որքան այցը կինոթատրոն, երկար զբոսանքը կամ ընկերների հետ սրճարան գնալը: Միջին հաշվով, ամբողջ աշխարհում շաբաթական 2 ժամ 52 րոպե է հարկավոր տունը կարգի բերելու համար: Ռուսներն ամենաշատ ժամանակն են ծախսում տունը մաքրելու վրա` մոտ 4 ժամ 49 րոպե: Սա զարմանալի չէ, քանի որ նրանց 97% -ը բարձր է գնահատում մաքրությունը: Բելգիայում նույնպես շատ ժամանակ են հատկացնում մաքրման աշխատանքներին. Հարցվողները առաջատարների թվում են՝ մոտ 3 ժամ 39 րոպե, բայց նրանց 45% -ը կցանկանա նույնիսկ ավելի շատ ժամանակ ունենալ տնային աշխատանքների համար: Երկրների համեմատությամբ՝ տան մաքրման աշխատանքներին նվազագույն ուշադրություն դարձնում են ճապոնացիները, ինչը կարելի է եզրակացնել մաքրման տևողությունից։. «Ծագող արևի երկիրը» 1 ժամ 29 րոպե է հատկացնում մաքրման աշխատանքներին:

Դասական միջոցներ կամ նորագույն տեխնոլոգիա

Համապատասխան օժանդակ միջոցները դարձնում են մաքրությունն ավելի դյուրին և արդյունավետ։ Ամբողջ աշխարհում մարդիկ չեն կարող գործել առանց ձեռքի գործիքների, ինչպիսիք են ավելը, խազանակը, շվաբրը և այլն (79 %), լվացող միջոցները (75 %) կամ լարերով էլեկտրական սարքավորումները (66 %), որոնցից օգտվում են մեր հարցվածներից շատերը։ Միևնույն ժամանակ, անլար սարքերին անցնելու միտում կա: Ճապոնիայում մարտկոց ունեցող սարքերը շատ տարածված են. Յուրաքանչյուր երկրորդ ճապոնացի (54%) կարևոր է համարում դրանց օգտագործումը, իսկ երրորդը (34%) արդեն օգտագործում է դրանք: Ինքնավար մաքրող միջոցների մասին, ինչպիսիք են ռոբոտային փոշեկուլները, տարբեր երկրներում մեծապես տարբերվում են, և դրանք առավել հաճախ օգտագործվում են Չինաստանում (38%): Գերմանիայում, նախորդ տարվա համեմատ, նման սարքերի օգտագործումը մնում է անփոփոխ՝ ընդամենը 15%: Համեմատության համար նշենք, որ այլ երկրներում մարդիկ նախընտրում են մաքրել իրենք՝ առանց ռոբոտների օգնության: Օրինակ ՝ Լեհաստանում երկուսից մեկը (52% ) տան աշխատանքներում ապավինում է սիրելիների, ընտանիքի անդամների օգնությանը:

Ուսումնասիրության մասին

Kärcher-ի պատվերով Dynata Market Research Institute- ը հարցազրույց է ունեցել 18-ից 65 տարեկան 11,099 մարդու հետ 11 երկրներից ՝ Բելգիա, Բրազիլիա, Միացյալ Թագավորություն, Գերմանիա, Չինաստան, Նիդեռլանդներ, Լեհաստան, Ռուսաստան, Միացյալ Նահանգներ, Ֆրանսիա և Ճապոնիա: Ներկայացվող առցանց հարցման արդյունքները բաժանվում են ըստ սեռի, տարիքի և տարածաշրջանի: Բոլոր երկրներում տրվել է երեք ընդհանուր, ինչպես նաև տարածաշրջանային երկու հարց:

Kärcher գոլորշիով մաքրող միջոցներ՝ հիգիենայի ապահովման համար

Գրառվել է Թողնել մեկնաբանություն

Kärcher- ի հանձնարարությամբ անկախ լաբորատորիայում անցկացվեց հետազոտություն` պարզելու Kärcher- ի գոլորշիով մաքրող միջոցների արդյունավետությունն ընդդեմ վիրուսների։ Արդյունքը պարզվեց, որ փոքր տարացքներում գոլորշու կետային մաքրման հետևանքով մաքրումը սկսվելուց 30 վայրկյան անց վերանում են թաղանթով պատված վիրուսների մինչև 99,999% * և կենցաղում տարածված մանրէների մինչև 99,99% **։ Քանի որ ներկայումս ախտահանող միջոցները հիմնականում օգտագործվում են միայն ստացիոնար և ամբուլատոր բուժհաստատություններում, գոլորշիով մաքրող միջոցները կարող են կարևոր ներդրում ունենալ հիգիենայի պահպանման հարցում` ինչպես առօրյա կյանքում, տարբեր հաստատություններում, այնպես էլ արդյունաբերական ձեռնարկություններում:

Լաբորատոր փորձարկումների արդյունքները

Թաղանթով պատված վիրուսները կարող են վերանալ բարձր ջերմաստիճանի ազդեցության տակ։ Քանի որ վիրուսներն ի տարբերություն մանրէների չեն հանդիսանում կենդանի օրգանիզմներ՝ մասնագետները խոսում են դրանց ապակտիվացման մասին։ Լաբորատորիայում չոր մակերևույթին տարածվել է վավերացված փորձնական վիրուսը (Անկարա մոդիֆիկացված պատվաստանյութի վիրուսը), որը հանդիսանում է թաղանթով պատված վիրուսային տեսակներից մեկը։ Այնուհետև, 5 х 5 սմ չափով կետային մակերեսը մշակվել է 5,10, 30 և 60 վայրկյան՝ գոլորշիով մաքրող սարքի ձեռքի վարդակով, որին ամրացված էր համապատասխան միկրոֆիբրային անձեռոցիկ։ Ծակոտկեն մակերեսների վրա փորձարկումներ չեն իրականացվել։

Գոլորշու առավելագույն ճնշման և միևնույն տարածքում 30 վայրկյան ազդեցության արդյունքում՝ գրանցվել է վիրուսի ապակտիվացման բարձր ցուցանիշ (մինչև 99,999%):

Kärcher ընկերությունը փորձարկեց հոսքի տաքացուցիչով (SC 3) և կաթսայով (SG 4/4) սարքեր: Գոլորշու առաջացման եղանակը (կաթսայում կամ ուղղակի կետային հոսքի ջեռուցիչի օգնությամբ) չի ունեցել ազդեցություն վիրուսների դեմ պայքարի արդյունավետության վրա։ Երկու տեխնոլոգիաների վրա հիմնված սարքերն էլ ցույց տվեցին նմանատիպ ​​արդյունքներ լաբորատորիայում: Տեղային ախտահանող սարքերի թեստի արդյունքները վավեր են նաև վարդակից գոլորշի արձակող նման այլ սարքերի համար նույնպես՝ SC 3 EasyFix, SC 3 Upright EasyFix, ինչպես նաև SGV 6/5 և SGV 8/5, SC 1 / SC 1 EasyFix, SC 2 EasyFix / SC 2 Deluxe EasyFix, SC 4 EasyFix, SC 5 EasyFix:

Ինչին հատկապես ուշադրություն դարձնել

Մոտ 100 ° C ջերմաստիճանում ապարատից դուրս մղվող գոլորշին արագորեն սառչում է մաքրման օբյեկտից որոշակի հեռավորության վրա: Հետևաբար, վիրուսների դեմ արդյունավետորեն պայքարելու համար անհրաժեշտ է տեղափոխել վարդակը ՝ այն մակերեսին մոտ պահելով: Բացի այդ, պահանջվում է ազդեցության բավարար ժամանակ։ Յուրաքանչյուր տարածք պետք է մանրէազերծվի մոտ 30 վայրկյան՝ գոլորշու առավելագույն մատակարարմամբ: Մաքրումից հետո օգտագործված միկրոֆիբրերի կտորները պետք է լվացվեն առնվազն 60 ° C ջերմաստիճանում, այսինքն՝ լվացքի մեքենայի շահագործման ստանդարտ (ոչ էկոնոմ) ռեժիմով:

Լրացուցիչ առավելություններ

Գոլորշիով մաքրող սարքի գործարկման համար անհրաժեշտ է միայն էլեկտրականություն և ջուր, ինչը թույլ է տալիս այն օգտագործել` անկախ ախտահանման միջոցների առկայությունից: Բացի այդ, քիմիական մաքրող միջոցների օգտագործման բացառումն օգնում է պաշտպանել օգտագործողների շնչուղիները և ստեղծել բարենպաստ միկրոկլիմա փակ տարածություններում: Այս դեպքում բացառվում են նաև մաքրող միջոցների հետևանքով առաջացած հավանական ալերգիկ ռեակցիաները (օրինակ ՝ հատակին խաղացող երեխաների մոտ): Ալերգիկ խնդիրներ ունեցող անձանց համար կարևոր է այն, որ գոլորշին մաքրում է փոշին՝ դրանով իսկ նվազեցնելով ալերգենների տարածումը:

* Kärcher գոլորշիով մաքրող սարքը տեղային գոլորշու առավելագույն ճնշմամբ մաքրման ընթացքում 30 վայրկյանում վերացնում է թաղանթային վիրուսների 99,899% -ը։ Այսնպիսի վիրուսներ, ինչպիսիք են գրիպի վիրուսը(բացառությամբ հեպատիտ B վիրուսի), որոնք հայտնաբերվել են կենցաղում՝ հարթ մակերեսներին (հաստատված է PVC- ի մակերեսային մաքրման ընթացքում` համաձայն EN 16615: 2015-06 ստանդարտի; թեստային միկրոօրգանիզմ՝ Անկարայի պատվաստանյութի մոդիֆիկացված վիրուս)։

** 30 սմ / վրկ արագությամբ առավելագույն գոլորշու ճնշմամբ մակերեսը մաքրելու ժամանակ ոչնչացվում են հարթ մակերևույթներում հայտնաբերված ընդհանուր մանրէների 99,99% -ը (փորձարկվող միկրոօրգանիզմ՝ Enterococcus hirae): Օգտագործելով պրոֆեսիոնալ SG (V) գոլորշիով մաքրող միջոցները՝ մանրէների 99,999% -ը ոչնչացվում է (հաստատվում է PVC հատակների մանրէազերծման ընթացքում, համաձայն EN 16615: 2015-06 ստանդարտի; թեստային միկրոօրգանիզմ՝ Enterococcus hirae ATCC 10541):